كذب اللي قال إن ليلة العمر واحدة!!
ففي مجتمعنا الحفلات والمناسبات مو مجرد تجمع هي فرحة عمر وتوثيق للحظات ما تتكرر ومن هنا بدينا دلع العروس.
التفتنا حولنا وشفنا كمية التوتر والتعب اللي تعيشه العروس أو العائلة وهم يركضون بين القاعات، الكوشة، البوفيه، وتنسيق الإضاءة والورد أو حتى الأم والأب اللي يبون حفلة شاور لطفلهم تعيش معه ذكرياتها طوال العمر.
وسألنا أنفسنا: ليش ما نحن عنهم هالتعب ونهديهم ليلة ملكية بدون أي توتر أو قروشه !؟
لأن الدلع مو مجرد اسم.. هو أسلوبنا معكم!
قررنا نغير مفهوم تنسيق الحفلات التقليدي وما رضينا نكون مجرد منفذين يفرشون قاعة ويمشون بل جلسنا مع كل عائلة، سمعنا ضحكاتهم، وفهمنا وش الذوق اللي يمثلهم وحولنا الضغط والركض وراء التفاصيل إلى رحلة ممتعة كل الأطراف فيها يتفرغون وإحنا علينا صنع ليلة الأحلام بالضبط لأننا بندلعكم .
فلسفتنا…
- كل وردة نختارها، وكل إضاءة نوزعها، وراها عين خبيرة.
- نؤمن إن فخامة الحفل تكمن في التفاصيل الصغيرة من ريحة البخور والورد لين طريقة تقديم الضيافة وتناسق الألوان.
- نجاحنا لما نشوفكم في مناسبتكم مرتاحين، متبسمين، وضامنين إن كل شي يدار خلف الكواليس بأعلى احترافية.
تواصل مع فريق دلع العروس وخلِّنا نبدأ نرسم تفاصيل فرحتك الحين.